FETÖ-yə qarşı Türkiyənin 30 vilayətində davam edən "Pincer-10" əməliyyatlarında 91 şübhəli yaxalanıb.
Sherg.az Türkiyə mediasına istinadən xəbər verir ki, Daxili İşlər Naziri Ali Yerlikaya sosial media hesabında FETÖ-yə qarşı 30 vilayətdə 5 gündür davam edən "Pincer-10" əməliyyatları ilə bağlı məlumat verib.
Nazir Yerlikaya deyib ki, saxlananlar təşkilatın kripto kommunikasiya proqramının “ByLock” istifadəçisi olublar, 2009-cu il KPSS imtahan suallarını qeyri-qanuni yollarla əldə ediblər və həbs cəzası ilə axtarışda olublar. FETÖ istintaqları daxilində qeydləri olduğu təsbit edilən 91 şübhəlinin tutulduğu açıqlanıb.
