“Gürcüstanda inqilab qaçılmazdır, amma 2003-cü ildən fərqli olaraq bu, partiya inqilabı olmayacaq”.
Teleqraf xəbər verir ki, bunu Gürcüstanın keçmiş prezidenti Mixail Saakaşvili sosial şəbəkədə yazıb.
“Partiya cəbhəsində baş verənlər mənə aydındır. İki partiya oliqarxın (Bidzina İvanişvilinin) “müxalifətinə” sadiq qalmağa və İvanişvilini devirmək üçün mübarizə aparan siyasi partiyaları kənara qoymağa çalışır. Bu loyal partiyalardan birinin maliyyə rıçaqları var”.
Televiziyalara baxın, son vaxtlar əvvəlkindən daha tez-tez Milli Hərəkat nümayəndələrini (bu, məni çox sevindirir) dəvət edib onlara eyni sualları verirlər: “Məğlubiyyətin məsuliyyətini öz üzərinizə götürürsünüz?”, “Ayın 4-də hər şey bitməsə, nə olacaq?”.
Bunlar özlüyündə haqlı suallardır, amma onların daim təkrarlanması açıq şəkildə göstərir ki, “sadiq müxalifət” etiraz hərəkatının uğursuzluğuna və rəqabət aparan partiyaların nüfuzdan düşməsinə ümid edir. Başqa sözlə, onlar bütün mərclərini Rusiya rejiminin salamat qalmasına qoyublar. Bu mövqeyin nə qədər əxlaqlı olduğunu özünüz mühakimə edə bilərsiniz.
Gürcüstanda inqilab qaçılmazdır, amma 2003-cü ildən fərqli olaraq bu, partiya inqilabı olmayacaq”, - sabiq prezident bildirib.
Xatırladaq ki, oktyabrın 4-da Gürcüstanda növbədənkənar parlament seçkiləri keçiriləcək.
