Azərbaycanın Özbəkistan Respublikasındakı səfirliyi və Heydər Əliyev adına Azərbaycan Mədəniyyət Mərkəzinin təşkilatçılığı ilə Avrasiya Beynəlxalq Mətbuat Fondu ilə birgə silsilə sənədli filmlər hazırlanır.
Sherg.az xəbər verir ki, Beynəlxalq Fondun rəhbəri Ümid Mirzəyev və “Özbəkistan tarixi” telekanalının rəhbəri Şuhrat Hayitov arasında razılaşma memorandumuna əsasən, Özbəkistanın və Azərbaycanın elminin, tarixinin, milli mədəniyyətinin inkişafına böyük töhfələr vermiş bir çox ziyalılar haqqında sənədli filmlər çəkilir. Bundan əlavə, İslam dünyasında məşhur olan Özbəkistanın böyük alimləri haqqında filmlər tərcümə edilərək xarici telekanallarda nümayiş etdirilir.
