Gürcüstanın keçmiş prezidenti Mixail Saakaşvilinin partiyası - Vahid Milli Hərəkat və onun peyk siyasi qüvvələri konstitusiyaya zidd elan ediləcək və onların üzvləri bundan sonra ölkədə heç bir seçkidə iştirak edə bilməyəcəklər.
Axar.az xəbər verir ki, bunu hakim Gürcü Arzusu Partiyasının icraçı katibi Mamuka Mdinaradze deyib.
“Vahid Milli Hərəkat nəinki yerli hakimiyyət orqanlarına seçkilərdə (bu payızda keçiriləcək - red.), bu ölkədə heç bir seçkidə iştirak edə bilməyəcək. Antigürcüstan, antidövlət, kriminal partiyalar olaraq konstitusiyaya zidd elan ediləcək və fəaliyyətləri qadağan olunacaq", - Mdinaradze brifinqdə deyib.
