ABŞ Prezidenti Donald Tramp Amerika ordusunun Rusiya və Türkiyənin tələbi ilə Yunanıstandakı hərbi bazanı tərk etməyi planlaşdırması haqda xəbərləri təkzib edib.
Axar.az xəbər verir ki, o, bu barədə jurnalistlərin suallarını cavablandırarkən deyib.
Trampdan sözügedən məlumatı şərh etməsini istədikdə o, zalda olan ABŞ Dövlət katibi Marko Rubio və müdafiə naziri Pit Heqsetə müraciət edib.
“Bu belə deyil”, – Pentaqon rəhbəri təfərrüata varmadan bildirib.
Daha sonra Tramp jurnalistlərə, “Bu, yanlış məlumatdır” deyə vurğulayıb.
Qeyd edək ki, Yunanıstanın “Demokratiya” qəzeti Trampın Türkiyə və Rusiya liderlərinin xahişi ilə Dədağacdakı (Aleksandrupolis) hərbi bazanın fəaliyyətinin dayandırılması haqda göstəriş verdiyini yazmışdı.
