Kreml, Rusiya ilə Ukrayna arasındakı sülh görüşlərinə fasilə verildiyini açıqlayıb.
Sherg.az xəbər verir ki, Avropa ölkələrini Ukraynada sülh səylərini əngəlləməkdə ittiham edən Kremlin sözçüsü Dmitri Peskov, Moskva rəhbərliyinin bütün maneələrə baxmayaraq danışıqlar qapısını açıq saxladığını iddia edib.
Kreml sözçüsünün açıqlamasında, Rusiyanın Avropa üçün təhdid yaratmadığı da vurğulanıb.
Avropada narahatlıqla izlənilən Rusiya-Belarus birgə “Zapad” hərbi təlimlərinə də toxunan Kreml, bu narahatlıqların “Rusiyaya qarşı ön yargı və düşmənçilik əsasında emosional reaksiyalar”dan qaynaqlandığını bildirib.
Hər iki ölkə üçün güc nümayişi xarakteri daşıyan "Zapad 2025" təlimi rus dilində “Qərb” mənasını verir.
Belarus ilə sərhəddi olan NATO-nun şərq qanadı üzvləri Polşa, Litva və Latviya, Belarusun paytaxtı Minskin şərqindəki Borisov qəsəbəsi yaxınlığında keçiriləcəyi bildirən təlimlər səbəbindən yüksək hazırlıq vəziyyətinə keçib.
Üç ölkə də təlimlərdən əvvəl təhlükəsizlik tədbirlərini gücləndirib. Polşa, təlim müddətində Belarus sərhədini tamamilə bağlamaq qərarına gəlib.
