Hamiləlik zamanı bulanıq görmə çox rast gəlinən simptomlardan biridir və adətən hormonal dəyişikliklər və bədəndə maye balansının dəyişməsi ilə izah olunur. Bu, xüsusilə gözlərdə quruluq və qaşınma ilə birlikdə ola bilər.
Bəs əslində niyə baş verir? Sherg.az təqdim edir:
Hormon dəyişiklikləri və bədəndə su tutulması gözlərin maye balansını dəyişir, korneanın qalınlaşmasına və görmənin müvəqqəti bulanmasına səbəb olur.
Lens və ya eynək istifadə edən qadınların bir qismi gözlük nömrəsinin dəyişdiyini görür, amma bu adətən doğumdan sonra normallaşır.
Nə etmək lazımdır?
Həkimə danışmaq əsasdır, çünki hər hamiləlik fərqlidir.
Gözləri qurutmamaq üçün süni göz yaşı damlalarından istifadə edilə bilər.
Ekran qarşısında uzun müddət qalmaqdan çəkinmək və gecə işıqlara həddindən artıq məruz qalmamaq faydalıdır.
Lens istifadəçilərinə hamiləlik müddətində ara vermək tövsiyə olunur.
Diqqət tələb edən hallar:
Bulanıq görmə yüksək qan təzyiqi, preeklampsi, gestasiya diabeti və digər ciddi hamiləlik xəstəlikləri ilə müşayiət olunursa, dərhal həkimə müraciət etmək vacibdir.
