Araşdırmalar göstərir ki, menopauza dövründən sonra da qadınların aktiv və məmnunedici cinsi həyatı davam edə bilər. Mütəxəssislər cinsi istəyin qorunmasına təsir edən 6 əsas amili açıqlayıb.
Bunlara cinsəlliyə müsbət yanaşma, öz bədənini cəlbedici hesab etmək, partnyorla emosional yaxınlıq, daha çox cinsi təcrübə, şəxsi zövqə fokuslanmaq və menopauza simptomlarının yüngül keçməsi daxildir.
Mütəxəssislər bildirirlər ki, menopauzadan sonra cinsi həyatın bitdiyi düşüncəsi yanlışdır. Psixoloji rahatlıq, münasibətlərdə harmoniya və düzgün tibbi dəstək qadınların bu dövrdə də sağlam cinsi həyat yaşamasına kömək edə bilər.
