Mütəxəssislər siqareti tərgitməyin sağlam həyat üçün ən vacib addımlardan biri olduğunu bildirirlər. Siqaret xərçəngdən insult və ürək xəstəliklərinə qədər bir çox ciddi xəstəliyin əsas səbəblərindən sayılır.
Sherg.az xəbər verir ki, döş xəstəlikləri üzrə mütəxəssis Doç. Dr. Hacer Kuzu Okur siqareti buraxan insan orqanizmində baş verən dəyişikliklərin zaman xəritəsini açıqlayıb.
Siqareti buraxdıqdan sonra bədəndə dəyişikliklər:
İlk 20 dəqiqə:
Ürək döyüntüsü və qan təzyiqi normallaşır, əllərdə və ayaqlarda qan dövranı yaxşılaşır.
8 saat sonra:
Qandakı oksigen səviyyəsi yüksəlir, karbonmonoksid azalır, nəfəs daha təmiz olur.
24 saat sonra:
Ürək tutması riski azalmağa başlayır.
48 saat sonra:
Dad və qoxu hissi güclənir.
3 gün sonra:
Nəfəs alma asanlaşır, halsızlıq və baş ağrısı azalır.
2-12 həftə:
Qan dövranı yaxşılaşır, öskürək və bəlğəm azalır, immun sistem güclənir.
3-9 ay:
Nəfəs darlığı və infeksiya riski azalır, enerji artır.
1 il sonra:
Ürək xəstəliyi riski təxminən yarıya enir.
5 il sonra:
İnsult və KOAH riski əhəmiyyətli dərəcədə azalır.
10 il sonra:
Ağız və tənəffüs yolu xərçəngi riski azalır.
15-20 il sonra:
Ağciyər xərçəngi riski 50-90% azalaraq siqaret çəkməyən insan səviyyəsinə yaxınlaşır.
Mütəxəssislər bildirir ki, siqareti tərgitmək gec deyil və orqanizm hər mərhələdə özünü bərpa etməyə başlayır.
