Həkimlər evdə yıxılan qadında xərçəng aşkar ediblər.
“Medicina” xəbər verir ki, Braziliyada bir qadın passiv siqaret çəkdiyi üçün ağciyər xərçənginə tutuldu.
85 yaşlı yerli sakin təsadüfən evdə yıxılıb, bundan sonra həkimlər onun ağciyər xərçəngi olduğunu aşkar ediblər.
Qadın yıxıldıqdan sonra dərhal xəstəxanaya getməyib. Ancaq üç gün sonra o, sınıqları yoxlamaq üçün həkimə müraciət etmək qərarına gəldi, çünki oxşar xəsarətlər əvvəllər də baş vermişdi.
KT müayinəsi zamanı həkimlər xəstədə erkən mərhələdə olan ağciyər xərçəngi aşkar ediblər.
Mütəxəssislərin fikrincə, bu xəstəlik uzun illər passiv siqaret çəkmə nəticəsində yaranıb. Məsələ burasındadır ki, braziliyalı qadının əri siqaret çəkirmiş və o, bir il əvvəl ağciyər xərçəngindən dünyasını dəyişib.
