"Ermənistanla bəzi anklav məsələləri də ortada var. Ola bilsin ki, anklavlar məsələsi delimitasiya çərçivəsində həll olunacaq".
Bunu Beynəlxalq Münasibətlərin Təhlili Mərkəzinin İdarə heyətinin sədri Fərid Şəfiyev BMTM-in 2023-cü il üzrə fəaliyyətinə dair mətbuat konfransında deyib.
"Bizim 8 anklavımız işğal altındadır. Anklav məsələsinin həll edilməməsinin səbəbkarı yenə Ermənistandır. Vaxtilə anklav məsələsi qaldırılanda ermənilər dedilər ki, 1960 və ya 1980-ci illərdə guya bəzi ərazilər qeyri-qanuni səviyyədə Azərbaycana verilib və ona görə tanımırlar. 1929-cu ildə də Naxçıvanın bəzi kəndləri Ermənistana verilib. O zaman niyə 1960-cı illərdəki proseslərə baxılır, ondan əvvəllkilərə baxılmır?" - BMTM sədri qeyd edib.
O bildirib ki, növbəti ildə BMTM-in faliyyətində bir sıra prioritetlər var:
"Nəqliyyat, orta dəhliz və logistika bizim diqqət mərkəzində olacaq. Eyni zamanda Cənubi Qafqaz, Yaxın Şərq əlaqələri, Türk Dövlətləri Təşkilatı ilə münasibətlər ön planda olacaq.
