24 sentyabr 2024-cü il tarixində Azərbaycan Respublikasının xarici işlər naziri Ceyhun Bayramov Beynəlxalq Atom Enerjisi Agentliyinin Baş direktoru Rafael Grossi ilə görüşüb.
Sherg.az xəbər verir ki, görüş zamanı Ceyhun Bayramov Azərbaycan nüvə enerjisinin yayılmaması və dinc məqsədlərlə istifadə edilməsində MAQATE-nin yoxlama sisteminin əvəzsiz rolunu vurğulayaraq, nüvə təhlükəsizliyini və onun gücləndirilməsi üçün beynəlxalq əməkdaşlığı tamamilə dəstəklədiyini bildirib.
Ətraflı
Xarici işlər naziri və baş direktor 2024-2029-cu illər üçün MAQATE ilə Texniki Əməkdaşlıq sahəsində Azərbaycan Respublikası üzrə Ölkə Proqramı Çərçivəsini (CPF) imzalayıblar.
Saziş texniki əməkdaşlıq fəaliyyətləri vasitəsilə dəstəklənəcək qarşılıqlı razılaşdırılmış prioritet inkişaf ehtiyaclarını və maraqlarını müəyyən edir.
