Suriyanın devrilmiş lideri Bəşər Əsədin müxalifətə dəstək verdiyi üçün Türkiyədən İrana şikayət etdiyi iddia edilib.
Sherg.az xəbər verir ki, Britaniya mətbuatına danışan iki İran rəsmisi Əsədin İran xarici işlər nazirinə Türkiyədən şikayət etdiyini və Türkiyənin sünni üsyançılarını fəal şəkildə dəstəklədiyini bildirib.
Qeyd edək ki, Heyət Təhrir Şam (HTŞ) başçılıq etdiyi müxalif silahlılar ötən həftə bazar günü Dəməşqi ələ keçirib və Əsədin ölkəni tərk edərək Moskvaya sığındığı öyrənilib.
Əsədin Türkiyədən İran Xarici İşlər Nazirliyinə şikayət etdiyi görüş Dəməşqin ələ keçirilməsindən bir neçə gün əvvəl baş tutub. Bildirilir ki, Əsəd bu fikirləri dekabrın 2-də Dəməşqdə İranın xarici işlər naziri Abbas Araqçı ilə görüşündə deyib.
Əsəd bu görüşdə Türkiyənin onu devirmək üçün sıx səylər göstərdiyini bildirib. Bu zaman Əraqçi Əsədi İranın dəstəyinin davam edəcəyinə inandırıb və Ankara ilə məsələni müzakirə edəcəyinə söz verib.
Ertəsi gün Araqçının Türkiyə xarici işlər naziri Hakan Fidanla görüşdüyü və Ankaranın üsyançıların irəliləyişini dəstəkləməsindən Tehranın dərin narahatlığını ifadə edib.
İddialara görə, görüş çox gərgin keçib.Araqçi “Türkiyənin ABŞ və İsrailin gündəmlərinə uyğun hərəkət etməsindən narahat olduğunu” ifadə edərək, Əsədin fikirini də çatdırıb.
Hakan Fidanın isə Əsədin real sülh danışıqlarına qatılmamasının və illərdir davam edən zülmkar hakimiyyətinin münaqişənin əsas səbəbləri olduğunu qeyd edib.
İngiltərə mətbuatına danışan adı açıqlanmayan türk rəsmisi Fidanın sözlərini təsdiqləyib.
Suriyada 13 ildir davam edən vətəndaş müharibəsi HTŞ-nin son 12 günlük əməliyyatından sonra Əsəd ailəsinin 54, Baas Partiyasının isə 61 illik hakimiyyətinin sdevirilməsi ilə sona çatıb.
