Prezident və parlament seçkisində məğlub olan Türkiyənin ana müxalifət partiya Cümhuriyyət Xalq Partiyasının sədri Kamal Kılıçdaroğluna qarşı partiya daxilindən etirazlar yüksələn xətlə inkişaf etməkdədir.
Sherg.az türk mediasına istinadən xəbər verir ki, ötən günlərdə İstanbul bələdiyyə sədri Əkrəm İmamoğlunun partiyanın nüfuzlu isimləri ilə birlikdə keçirdiyi gizli videokonfrans ifşa olunub və ölkədə ciddi rezonans doğurub. Yayılan görüntülərdə Ə.İmamoğlu və onun tərəfdarlarının Kılıçdaroğlunu göndərmək üçün planlar hazırladığı məlum olur. Bəlli olub ki, CHP-nin öndə gedənləri K.Kılıçdaroğluna qarşı hərəkətə keçiblər. Hətta ayrıca qurultayın keçirilə biləcəyi də gündəmə gətirilib.
"CHP liderinin nitqi tutuldu"
Xəbəri yaxın adamından eşidən Kamal Kılıçdaroğlu şoka düşüb. Bunun ardınca dərhal İdarə Heyətinin üzvləri ilə toplantı keçirib. Toplantıya İmamoğlu ilə birlikdə hərəkət edən Qrup başqanı Özgür Özəl dəvət olunmayıb. Toplantıda çıxış edənlər "partiyanın daxili məsələsinin açıq müzakirəsinin ağır nəticə verəcəyini" düşünənlər Özəl və digər şəxslərin istefasını tələb ediblər. Kılıçdaroğlu isə “baxarıq" deməklə kifayətlənib. CHP-nin kulislərində Özgür Özəl və Gökhan Günaydının istefasının daha ağır nəticələr verəcəyi də deyilir.
"İncədən incə göndərmə..."
Məmləkət Partiyası sədri Məhərrəm İncə də gizli toplantıya sərt reaksiya verib. Bildirib ki, bu, normal toplantı deyil: "2014-cü ildə prezidentliyə namizəd olmamışdan əvvəl Kılıçdaroğlunun yanına getdim, qrup sədr müavini vəzifəsindən istefa verdim və “indi qarşındayam” dedim. Siz həm Qrup sədri, həm də Qrup sədrinin müavini olacaqsınız və namizəd olacaqsınız, bu olmayacaq. Mən CHP-li deyiləm, amma CHP mədəniyyətini çox yaxşı bilirəm. Bu görüş ümumiyyətlə mer üçün keçirilə bilməz. Baş Prezidentliyə namizəd olursunuz, qurultaya imza toplayırsız. Mən Konvensiya üçün lazım olan imzaları toplayanda onlar bəzi nümayəndələri hədələdilər və bəzilərini, o cümlədən həmin iclasda olanları imzaları geri götürmək üçün zənginləşdirdilər".
