Ukrayna hərbçiləri gecə vaxtı Kiyev yaxınlığında Rusiya qüvvələrinə məxsus PUA-ların necə sıradan çıxarılmasının görüntülərini yayıb.
İyulun 11-nə keçən gecə Ukrayna Hərbi Hava Qüvvələri və Müdafiə Qüvvələrinin digər hərbi hissələri Rusiyanın 26 ədəd PUA-sını və “Zala” tipli bir kəşfiyyatçı pilotsuz uçuş aparatını məhv edib.
"Sherg.az"ın “Ukrinform”a istinadən xəbərinə görə, Ukrayna Birləşmiş Silahlı Qüvvələrinin komandanı general-leytenant Serxi Nayev Kiyevə yaxınlaşmaq istəyən Rusiya qüvvələrinin pilotsuz təyyarələrinin vurulmasını əks etdirən videonu ictimaiyyətə açıqlayıb.
"Hərbi Hava Qüvvələri və Müdafiə Qüvvələrinin digər hissələrinin iştirakı ilə aparılan uğurlu döyüşlər nəticəsində 26 PUA və "Zala" tipli bir kəşfiyyat PUA- sı məhv edilib.
Onun sözlərinə görə, Rusiya ordusu cənub-şərq istiqamətindən (Primorsko-Axtarsk) buraxılan pilotsuz uçuş aparatlarından istifadə etməklə bir ay ərzində ikinci dəfə Kiyevə hücum edib.
“Mobil qruplarımız və hava hücumundan müdafiə qüvvələrimiz Kiyevə yaxınlaşmaq istəyən Rusiya hərbcilərinin hədəflərini müəyyənləşdirmək və məhv etmək üçün işə başlayıb. Hava hücumundan müdafiə sistemimizin köməyi ilə bütün hədəflər məhv edilib”, - deyə Nayev vurğulayıb.
Komandir bildirib ki, bəzi pilotsuz təyyarələrin qalıqları Kiyev vilayətinin yaşayış məntəqələrindən birinə düşüb , xoşbəxtlikdən tələfat olmayıb.
Eyni zamanda, Nayev ukraynalıları hava xəbərdarlığı siqnallarına əməl etməyə və düşmən hədəflərinin məhv edilməsi zamanı sığınacaqlarda qalmağa çağırıb.
Turan
