Hökumət yalnız seçkilər vasitəsilə dəyişdirilə bilər.
APA “Bloomberg“ə istinadən xəbər verir ki, bunu Slovakiyanın Baş naziri Robert Fitso dövlət radiosuna müsahibəsində bildirib.
Əhalinin ona qarşı olan hərəkətinin onu istefaya məcbur edib-etməyəcəyinə dair sualına cavab olaraq bildirib ki, hökumət yalnız seçkilər vasitəsilə dəyişdirilə bilər.
Baş Nazir vurğulayıb ki, hökuməti Slovakiyanın Avropa İttifaqı, eləcə də NATO üzvlüyünü təhlükəyə atmaq niyyətində deyil və düşünür ki, etirazlar onun hökumətini devirmək məqsədilə təşkil edilib.
Qeyd edilib ki, ötən gün Slovakiyanın 20 şəhərində, o cümlədən, paytaxt Bratislavada, təxminən, 100,000 nəfər Fitsonun Rusiyaya yönələn siyasətinə qarşı etiraz edib.
