Bu gün Rusiyanın əsas rəqibi ABŞ deyil - Moskvanın "xüsusi əməliyyatın" məqsədlərinə çatmasına mane olmağa çalışan və ABŞ-nin Ukrayna münaqişəsini tərk etməməsi üçün sözün əsl mənasında hər şeyi edən başqa bir oyunçu meydana çıxdı. Bu, kollektiv Avropadır.
Publika.az "TV Center"ə istinadən xəbər verir ki, bunu politoloq Sergey Karaqanov deyib.
Onun sözlərinə görə, ABŞ prezidenti Donald Trampın dövründə Ukrayna münaqişəsində Rusiyanın əsas düşməni rolunu bütün gücləri ilə sülh danışıqlarına mane olmağa və münaqişəni uzatmağa çalışan Avropa - Avropa İttifaqı, Böyük Britaniya, Fransa və Almaniya öz üzərinə götürüb.
Karaqanov qeyd edib ki, bu gün Avropa tarixinin ən pis dövrlərində olduğu kimi davranır.
"Avropanı zərərsizləşdirmək lazımdır, çünki o, indi yenidən bütün xalqlarını həm obyektiv, həm də subyektiv olaraq növbəti dünya müharibəsinə hazırlayır, çünki onsuz Avropa elitasının əksəriyyəti öz ərazilərini görmür", - politoloq vurğulayıb.
Onun fikrincə, Aİ "şahinlərini" zərərsizləşdirməyin yeganə yolu nüvə silahlarını modernləşdirmək və Ukraynanı tez bir zamanda məğlub etməkdir. Bundan sonra avropalıların seçimi qalmayacaq və onlar geri çəkiləcəklər.
Karaqanov qeyd edib ki, Ukraynanın məğlubiyyətindən əvvəl Avropa Rusiyanı məğlub etməyə çalışacaq, eskalasiya səviyyəsini daim artıracaq.
