ABŞ-nin yeni seçilmiş prezidenti Donald Tramp sosial şəbəkədə İsrailin baş naziri Binyamin Netanyahunu hədəf alan təhqiramiz paylaşım edib.
Sherg.az xəbər verir ki, Tramp sosial media hesabında iqtisadçı Ceffri Saksın Netanyahunu ABŞ-nin xarici siyasətini manipulyasiya etməkdə və Yaxın Şərqdə “sonsuz müharibələr” aparmaqda ittiham edən çıxışını paylaşıb.
Saks video qeydində Netanyahunun İraq və Suriyada müharibələrə başladığını iddia edərək, “Bu gün də Netanyahu bizi İranla müharibəyə sürükləməyə çalışır. O, bizi sonsuz müharibələrə sürüklədiyi üçün dərin qaranlıq bir orospu övladıdır” ifadəsini işlədir.
Saks iddia edir ki, Netanyahu 1995-ci ildən bəri İraq, İran və Suriyadakı müvəkkil hökumətləri hədəf alaraq Həmas və Hizbullahı məhv etmək üçün sistematik strategiya izləyir.
Saks həmçinin bildirir ki, ABŞ-nin keçmiş prezidenti Barak Obama Amerika kəşfiyyat agentliyi CIA-ya Suriya hökumətini devirmək üçün göstərişlər verib.
Məşhur iqtisadçının sözlərinə görə, ABŞ hökuməti faktiki olaraq Suriyaya Rusiyadan 4 il əvvəl daxil olub.
Trampın bu yazını niyə “Wall Street Apes” xəbər hesabından yenidən dərc etdiyi hələ də aydın deyil.
Tramp və Netanyahu arasındakı münasibətlər tarixən qarşılıqlı faydalı olsa da, çox vaxt gözlənilməz olub.
Ötən yay Tramp baş nazirin ABŞ-a səfəri zamanı Netanyahunu malikanəsində qonaq edib.
Lakin Tramp 2020-ci il seçkilərində məğlub olanda Netanyahunu Baydeni təbrik etdiyinə görə sərt şəkildə tənqid edib və Axios müxbirinə deyib: "O vaxtdan bəri İsrail lideri ilə danışmamışam. Onu unut."
