Səudiyyə Ərəbistanı Pro Liqasının 14-cü turunun matçında “Əl Nəsr” doğma meydanda “Əl Akhdoud”u qəbul edib.
Sherg.az xəbər verir ki, “Əl Nassr” rəqibini 3:0 hesabı ilə məğlub etdiyi halda, Kriştiano Ronaldo matçda möhtəşəm oyun göstərib.
“Əl Nəsrə” qələbə qazandıran qolları 13-cü dəqiqədə Əl Naci, 77-ci və 80-ci dəqiqələrdə isə Kriştian Ronaldo vurub.
Portuqaliyalı ulduzun 80-ci dəqiqədə vurduğu qol dünyanın xəbərinə çevrilib. Cərimə meydançası xaricində uzun məsafədən topu qəbul edən Kriştian Ronaldo qapıçının üstündən zərbə ilə topu tora göndərib. Bu qol sosial şəbəkədə dəfələrlə paylaşılıb.
Qarşılaşma zamanı Ronaldonun daha bir hərəkəti gündəmə gəlib. Ulduz futbolçu hava topu mübarizəsi zamanı 2 metrdən çox tullanaraq az qala rəqibinin üstündən keçib.
38 yaşlı futbolçunun bu hərəkəti qısa zamanda dəfələrlə paylaşılıb.
Bu nəticə ilə xalını 34-ə yüksəldən “Əl Nassr” lider "Əl Hilal"ı izləməyə davam edib. "Əl Akhdoud" 10 xalla liqanın sonuncu pilləsində qərarlaşıb.
