Azərbaycanın işğaldan azad edilmiş ərazilərində sahibkarların kommunal xidmətlərinin subsidiyalaşdırılmasına 2 milyon manat ayrılacaq.
Bu barədə Maliyyə Nazirliyinin “Vətəndaşın büdcə bələdçisi”ndə bildirilib.
Bu vəsait, işğaldan azad edilmiş ərazilər üzrə vergi uçotuna alınan və həmin ərazilərdə fəaliyyət göstərən sahibkarların kommunal xidmətlərdən (elektrik enerjisi, təbii qaz, su təchizatı və tullantı sularının axıdılması xidməti) istifadəyə görə ödəyəcəkləri vəsaitin 20 %-nin 10 il müddətində dövlət büdcəsi vəsaiti hesabına subsidiyalaşdırılmasına yönəldiləcək.
