Məşhur irlandiyalı müğənni Şineyd O'Konnorun 17 yaşlı oğlu intihar etdikdən sonra sənətçi də özünü öldürmək qərarına gəlib.
Axşam.az xarici mətbuata istinadən xəbər verir ki, bu barədə o sosial şəbəkədə yazıb. Onun bu sözlərindən sonra polisə gətirilən ifaçının ifadəsi alınıb və dərhal xəstəxanaya yerləşdirilib.
Hazırda psixoloji vəziyyəti ağır olan Şineydin bir müddət xəstəxanada qalacağı deyilir.
Qeyd edək ki, Şineydin oğlu Neviim də bir müddət öncə müalicə olunmaq üçün klinikaya yerləşdirilsə də, oradan qaçmışdı. Bundan sonra ifaçı sosial şəbəkə hesablarında onun itkin düşməsi ilə bağlı axtarış elan etmişdi. Yanvarın 8-də isə Neviimin cəsədi polis tərəfindən aşkarlanmışdı.
Xatırladaq ki, Şineyd özü də narkotik asılılığından əziyyət çəkdiyi vaxtlarda intihara cəhd edib. O, 2018-ci ildə İslam dinini qəbul edib.
