Mərhum Xalq artisti Yalçın Rzazadənin oğlu Mətin Rzazadə atasının məzar daşını ailənin hazırlatmağa imkanı olmaması iddialarına cavab verib.
Sherg.az axşam.az-a istinadən xəbər verir ki, açıqlama verən Mətin bildirib ki, atasının heykəlini hazırlatdırırlar:
"Bu cür söhbət Yalçın Rzazadə sənətinə təhqirdir. Bizdə məzar daşının 1 il içində hazırlanması adəti var. Ailənin dostu, yaxını olan kimsə bu açıqlamanı desəydi, heç. Amma heç əlaqəmiz olmayan insan çıxıb bu haqda danışır. Heç olmasa ailəmizə zəng edib soruşardılar, biz də səbəbi açıqlayardıq.
Atamın adına uyğun bir məzar daşı hazırlatdırırıq. Biz onun heykəlini sifariş etmişik. Yalçın Rzazadənin 3 oğlu var, onların bir məzar daşı düzəltdirməyə gücü çatmayacaq? Biz bundan sonra atamız üçün nə edə bilərik? Tək bacardığımız onun adına, sənətinə uyğun bir məzar daşıdır. Bilən bilir ki, bir hekyəl 1, 2, 3, 5, 8 aya hazır olmur. Bəzən bəyənmirsən, nəyisə dəyişdirirsən. Fevralın 22-də atamın ilidir, başdaşı da onda hazır olacaq.
Atamın məzar daşı üçün 200 manat yığırlar? Gəlsinlər, biz 3 oğul onlara 200 manat yardım edək".
