Norveç Rusiya sualtı qayıqlarını izləmək üçün Britaniyadan freqatlar alacaq.
Teleqraf xəbər verir ki, razılaşma 13,5 milyard dollar dəyərində ən azı beş gəminin çatdırılmasını nəzərdə tutur.
Böyük Britaniyanın müdafiə naziri Con Hilinin sözlərinə görə, freqatlar "rus sualtı qayıqlarını ovlamağa" kömək edəcək.
BBC xəbər verir ki, Böyük Britaniya Norveç Hərbi Dəniz Qüvvələrini ən azı beş yeni gəmi ilə təmin etmək üçün 10 milyard funt sterlinq (13,5 milyard dollar) dəyərində müqavilə imzalayıb.
"Type 26" freqatları Böyük Britaniya hərbi gəmiləri ilə eyni texniki xüsusiyyətlərə malik olacaq. Onlar xüsusi olaraq düşmən sualtı qayıqlarını aşkar etmək və izləmək,ə lazım gəldikdə onları döyüşə cəlb etmək üçün nəzərdə tutulub.
Müqavilə Şimali Avropada birgə fəaliyyət göstərmək üçün 13 sualtı qayıq əleyhinə freqatdan - səkkiz Britaniya və beş Norveç gəmisindən ibarət Britaniya-Norveç birgə donanmasının yaradılmasına xidmət edir.
