Sahibə Qafarova TÜRKPA-nın baş katibi ilə görüşüb
Yusif Nəzərli
13:42 19.11.2021
Gündəm
457
Milli Məclisin sədri Sahibə Qafarova TÜRKPA-nın baş katibi Mehmet Süreyya Er ilə görüşüb.
Bu barədə "Report"a Milli Məclisin Mətbuat və ictimaiyyətlə əlaqələr şöbəsindən məlumat verilib.
Milli Məclisin sədri Azərbaycanın beynəlxalq təşkilatlarla, xüsusilə də TÜRKPA ilə əlaqələrin inkişafına böyük önəm verdiyini diqqətə çatdırıb, qonağa yeni vəzifədə gələcək fəaliyyətində uğurlar arzulayıb.
Sahibə Qafarova qurumda qəbul olunmuş qərarların bütün türk dünyası üçün əhəmiyyətini qeyd edərək, təşkilatın qarşısında duran hədəflərə çatmaq üçün görüləcək işlər barədə fikirlərini bölüşüb, Azərbaycanın TÜRKPA-ya sədrliyi dönəmində həyata keçirilmiş tədbirlərdən danışıb, bu təşkilatın türk birliyinə verdiyi dəstəyi yüksək qiymətləndirib.
Bildirib ki, ötən il Prezident, Ali Baş Komandan İlham Əliyevin rəhbərliyi ilə 44 günlük Vətən müharibəsində biz türk birliyinin önəmli üzvü olan Türkiyənin bu müharibədə siyasi-mənəvi dəstəyini gördük. Azərbaycan Prezidentinin dediyi kimi, dünyada ikinci belə nümunə yoxdur ki, iki ölkə bir-birinə bu qədər yaxın olsun.
Spiker diqqətə çatdırıb ki, ölkə ictimaiyyəti Türkdilli Dövlətlərin Əməkdaşlıq Şurasının VIII Zirvə Görüşü çərçivəsində Azərbaycan Prezidentinə Türk Dünyasının Ali Ordeninin təqdim edilməsini müzəffər Ali Baş Komandan İlham Əliyevin xidmətlərinin birlik tərəfindən yüksək qiymətləndirilməsi, həm də Azərbaycana verilən böyük dəyər kimi qəbul edir.
TÜRKPA-nın baş katibi Mehmet Süreyya Er Azərbaycanın Vətən müharibəsində qazandığı Zəfərə görə ürək sözlərini ifadə edərək bu uğurun bütün türk dünyasını sevindirdiyini deyib.
Qonaq Azərbaycanın TÜRKPA-ya sədrliyi dövründə qurumun işinə verdiyi töhfələri yüksək qiymətləndirib. Baş katib TürkPA-nın Beynəlxalq Katibliyinin mənzil-qərargahının Bakıda yerləşməsinə və Katibliyin inzibati binasında yaradılmış şəraitə görə Azərbaycan tərəfinə minnətdarlığını ifadə edib. O, Azərbaycanın təşəbbüsü ilə bu qurumda qəbul olunmuş qərarların bütün türk dünyası üçün əhəmiyyətini vurğulayıb. Mehmet Süreyya Er yeni vəzifəsində ümumi məqsədlərə çatmaq üçün bütün səylərini əsirgəməyəcəyini diqqətə çatdırıb.
Söhbət zamanı tərəfləri maraqlandıran digər məsələlər ətrafında fikir mübadiləsi aparılıb.
Oxşar xəbərlər
Xəbər lenti
Hamısına bax
Naftalanda 3 məktəblini maşın vurub - YENİLƏNİB
22:54 20.11.2026
Hadisə
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya