«Öz tarixi iddialarımızı ortaya qoymalıyıq ki, zamanı gəldiyində hüquqi, siyasi, və hərbi iddiaları əsaslandırmaq üçün əlimizdə bu cür söykənə biləcəyimiz bazamız olsun”
“Azərbaycanda Təbriz universiteti yaradılmalıdır. Kadr məsələsini hazırlamaq lazımdır ”.
Bunu “Sherg.az” a Beynəlxalq məsələlər üzrə ekspert Əziz Əlibəyli deyib.
O qeyd edib:“Bizim qonşu olub- olmamaqımızdan aslı olmayaraq İranla bağlı proseslər baş verəcək:
“Bütövlükdə İran məsələsi DTX siyasətinin gündəmindədir . Qlobal proseslərin nəticəsi olaraq cənub qonşumuzun milli təhlükəsizliyinə, xəritəsinə, hökumətinə və əhalisinə hansı formadasa, mütləq təsir göstərəcək.
Dünyanın gündəmində bir İran prosesi var. “Post Molla” dönəmi müasir İranın dizaynında Azərbaycanın mütləq qatqıları olmalıdır.
Təbriz universiteti İrandakı güney azərbaycanlıların mədəniyyəti, pisxologiyası, sosial həyatı , onlarla bağlı tədqiqatlar, ideoloji baxışlar, elmi araşdırmaları ortaya qoya bilər. Bütövlükdə onları əhatə edəcək kanseptual baxışlara ehtiyac var.
Bu baxışlar elmi baxış olmalıdır. Doğrudan da Azərbaycanda Təbriz universiteti açmaq lazımdır. Öz tarixi iddialarımızı ortaya qoymalıyıq ki, zamanı gəldiyində hüquqi, siyasi, və hərbi iddiaları əsaslandırmaq üçün əlimizdə bu cür söykənə biləcəyimiz bazamız olsun”.
Şərqiyyə Nəbi
