Türkiyə Prezidenti Rəcəb Tayyib Ərdoğan sosial media hesabında paylaşım edərək xaricdə yaşayan türklərə səslənib.
Bakupost.az HaberTürk-ə istinadən xəbər verir ki, Prezident Ərdoğan Tvviterdəki paylaşımında əvvəlki iqtidarların illərlə xaricdə yaşayan vətəndaşlara məhəl qoymadıqlarını bildirib:
"Ancaq valyutaya ehtiyac duyduqları zaman sizi xatırladılar. Biz isə hər problemdə yanınızda olduq, sizə hüquqlarınızı təmin etdik".
Prezident Rəcəb Tayyib Ərdoğan xaricdə yaşayan vətəndaşların parlamentdə təmsilçiliyinə diqqət yetirəcəyini, onların tələblərinin təmin olunacağını bildirib:
"Xaricdə borclanaraq təqaüdə çıxanlara tam ştatlı işləmək hüququ verəcək, ikitərəfli razılaşmalar çərçivəsində Türkiyədə hərbi xidmətin tanınmasını təmin edəcək, hər il xaricdə yaşayan 10 min gənci Türkiyəyə gətirəcəyik".
Türkiyə prezidenti qeyd edib ki, xaricdəki ixtisaslı gənclərin Türkiyədə işə götürülməsinə şərait yaradılacaq: "Türkiyəyə gətirdiyiniz nəqliyyat vasitələrinin yenidən ölkəyə girişi üçün ölkə xaricində qalma şərtini 30 günə endirəcəyik. Xaricdə yaşayan Türkiyə vətəndaşları üçün fərdi mənzil layihələri hazırlayacaq, həmçinin, ailə və səyyar konsulluq xidmətlərinin sayını artıracağıq".
Rəcəb Tayyib Ərdoğan Türk Əsrini "Güclü Türkiyə, Güclü Diaspora" şüarı ilə quracağını bildirib:
"Birik, ikiyik, diriyik. Sizinlə birlikdə Türkiyəyik. Sizdən 14 mayda yenidən dastan yazmağınızı gözləyirəm. Sən varsan, Türkiyə var!"
