“Azərbaycanda ilk koronavirus epidemiyası aşkarlanan xəstə 1997-ci il təvəllüdlüdür”.
Bunu Nazirlər Kabineti yanında operativ qərargahın koronavirusla bağlı KİV nümayəndələri üçün keçirilən brifinqdə Tibbi Ərazi Bölmələrini İdarəetmə Birliyinin (TƏBİB) şöbə müdiri Yaqut Qarayeva bildirib.
O qeyd edib ki, xəstə sərhəd-keçid məntəqəsini keçən zaman temperaturunun olduğu aşkarlanıb:
“Rusiya vətəndaşıdır. Ondan müayinə götürülüb. Hazırda vəziyyəti stabildir”.
Y.Qarayeva qeyd edib ki, üç karantin xəstəxana var:
“Onlar Astara, Cəlilabad və Qobustandadır. Bakıda dəstək verici xəstəxanalar da mövcuddur.
Xəstənin Rusiyaya təxliyyəsi barədə hələ düşünülmür”.
17:49
Nazirlər Kabinetinin yanında operativ qərargahın koronavirusla bağlı KİV nümayəndələri üçün brifinq keçirir.
Konfransda qərargah üzvləri - respublikanın baş infeksionisti Cəlal İsayev, Tibbi Ərazi Bölmələrini İdarəetmə Birliyinin (TƏBİB) şöbə müdiri Yaqut Qarayeva və TƏBİB-in yolxucu xəstəliklər işçi qrupunun rəhbəri Vasif Əliyev iştirak edir.
