İyunun 29-da Aşqabadda Xəzəryanı Dövlətlərin Dövlət Başçılarının VI Zirvə Toplantısı keçirilib.Türkmənistan Prezidenti Sərdar Berdiməhəmmədov Azərbaycan Prezidenti İlham Əliyevi və digər dövlət başçılarını qarşılayıb. Dövlət başçıları birgə foto çəkdiriblər.Sonra dövlət başçılarının məhdud tərkibdə görüşü olub.Daha sonra Zirvə Toplantısı çərçivəsində geniş tərkibdə görüş keçirilib.Zirvə Toplantını açan Türkmənistan Prezidenti Sərdar Berdiməhəmmədov çıxış üçün sözü Azərbaycan Prezidenti İlham Əliyevə verib.
Dövlət başçısı çıxışında deyib:
Azərbaycan ölkələrimizin Xəzərdə qarşılıqlı fəaliyyətinə böyük əhəmiyyət verir. Xəzər dənizinin hüquqi statusuna dair 2018-ci ildə Aktauda imzalanmış Konvensiya tarixi əhəmiyyət kəsb edir. Çoxillik iş nəticəsində imzalanmış bu sənəd Xəzərin hüquqi statusunu müəyyən edib. Konvensiyanın tezliklə qüvvəyə minməsi dövlətlərimizin bundan sonrakı hərtərəfli qarşılıqlı fəaliyyətinə və əməkdaşlığına yönəlmiş daha təsirli tədbirlər görülməsi üçün möhkəm hüquqi zəmin yaradacaq.
Preziden Xəzəryanı dövlətlərin əməkdaşlığının müqavilə-hüquq bazasının gücləndirilməsindən təhlükəsizlik,
hidrometeorologiya, nəqliyyat, su bioloji ehtiyatlarının mühafizəsi və səmərəli istifadəsindən, fövqəladə halların qarşısının alınması və aradan qaldırılmasından danışıb. İlham Əliyev Xəzər dənizinin dibinin delimitasiyası ilə bağlı ikitərəfli və üçtərəfli formatda hüquqi qüvvəyə malik sazişlərin də bağlanmasının xüsusi vurğulayaraq bildirib ki,Biz ətraf mühitin bugünkü vəziyyəti ilə əlaqədar sahilyanı dövlətlərin narahatlığına şərikik. Azərbaycan Xəzər dənizinin ekoloji problemlərinin həlli üçün əməkdaşlığın genişləndirilməsində maraqlıdır. Xəzərin bioloji su ehtiyatlarının qorunub saxlanması və səmərəli istifadəsi üzrə komissiya çərçivəsində Xəzəryanı dövlətlərin uğurlu qarşılıqlı fəaliyyəti davam edir.
Görüşün iqtisadi əhəmiyyətindən danışan millət vəkili, iqtisadçı-ekspert Vüqar Bayramov "Sherg.az"a bildirib ki,bölgədə Azərbaycanın geosiyasi mövqeyin möhkəmlənməsini müşahidə edirik:
"Azərbaycan Xəzəryanı dövlətlər arasında iqtisadi və fərdi münasibətlərin dərinləşməsində maraqlı olan ölkədir.Türkmənistan-Azərbaycan, Azərbaycan-Xəzəryanı ölkələr arasında əməkdaşlığın gücləndirilməsi istiqamətində rəsmi Bakının atdığı addımlar həm də,Xəzər hövzəsində inkişaf platformasının gücləndirilməsinə xidmət edir.Türkmənistanla əldə edilən razılıq, Qazaxıstanla beynəlxalq yükdaşımalarda vahid tariflərin tədbiqi ilə bağlı razılaşma və digər anlaşmalar Xəzəryanı ölkələrin regiona sərmayənin cəlb etməsindən və bölgə üzərindən aparılan yüklərin həcminin artırılmasından xəbər verir. Birmənalı şəkildə Xəzəryanı ölkələr arasında münasibətlərin dərinləşməsi regionun inkişafına böyük töhfədir. Son görüş də,bu istiqamətdə atılan vacib amillərdən biridir.Azərbaycan prezidentinin toplantıda da, qeyd etdiyi kimi həm beynəlxalq yükdaşımalar,o cümlədən Zəngəzur dəhlizinin istifadəyə verilməsi regionun əhəmiyyətini artırmaq məqsədi daşıyır. Eyni zamanda Vətən müharibəsindən sonra bölgədə formalaşan yeni düzən kontekstində artıq Xəzəryanı ölkələrin də strateji mövqeyi güclənməkdədir. Son görüş çox vacib platforma idi və əməkdaşlığın daha da güclənəcəyi mənasına gəlir."
