Nobel mükafatçısı, məşhur fizik Albert Eynşteynin əli ilə yazdığı və əvvəllər heç paylaşılmayan 110 sənəd ilk dəfə İsraildəki Qüds İbrani Universitetində sərgilənib.
Sherg.az xarici media istinadən xəbər verir ki, ABŞ-da yaşayan Crown Goodman ailəsi, Eynşteynin qələmə aldığı və heç bir yerdə nümayiş olunmadığı ifadə edilən 110 sənədi Qüds İbrani Universitetinə bağışlayıb. Eynşteynin 140-cı ad günü münasibəti ilə Qüds İbrani Universitetində ilk dəfə gün üzünə çıxarılan sənədlərdə, məşhur alimin qələmə aldığı bəzi elmi yazılarla bərabər, 1935-ci ildə oğulu Hans Albertə göndərdiyi bir məktub da yer alıb. İkinci Dünya Müharibəsindən təxminən 4 il əvvəl, İsveçrədə yaşayan oğuluna göndərdiyi məktubda Eynşteyn, Avropada yaşana biləcək bir müharibədən narahatlıq keçirdiyini ifadə edib: "Almaniyada da işlərin dəyişməyə başladığına inanıram. Birinci Avropa Müharibəsinin başlamamasına ümid edək. Almaniyanın silahlanması çox təhlükəli ola bilər, lakin başda ingilislər olmaqla Avropanın böyük əksəriyyəti məsələni ciddi qəbul edir".
Turan
