Bakı-Şamaxı magistralında ağır yol qəzası baş verib. Lent.az xəbər verir ki, magistralın 57-ci kilometrliyində - Qobustan rayonu ərazisində "KİA" markalı avtomobil "KamAZ" markalı yük maşınına çırpılıb.
Nəticədə avtomobildə olan şəxslərdən 1981-ci il təvəllüdlü Kərimova Aynurə Fəxrəddin qızı aldığı xəsarətlərdən vəfat edib. Onun anası, 1956-cı il təvəllüdlü Kərimova Səfayə Məmmədşah qızı və avtomobili idarə edən qardaşı isə müxtəlif dərəcəli xəsarətlər alıb.
Bildirilir ki, ailə üzvləri Qəbələdən Bakıya gəlirmiş Qəzaya minik avtomobilinin sürücüsünün yolda yuxulaması səbəb olub.
Faktla bağlı cinayət işi açılıb, araşdırma aparılır.
