"Universitetlərə qəbul üçün keçirilən imtahanlar bir müsabiqədir. Buraxılış imtahnı ilə isə şagirdin müvafiq standarta uyğun olub - olmaması yoxlanılır".
Sherg.az xəbər verir ki, bu barədə "Apreldə imtahan verib 600 bal toplayıb universitetə qəbulunu təmin edən abituriyentin təzədən orta məktəb üçün buraxılış imtahanı verməsi hansı məntiqə sığır ?"sualını cavablandırarkən Dövlət İmtahan Mərkəzinin (DİM) sədri Məleykə Abbaszadə bildirib.
O söyləyib ki, buraxılış imtanlarında verilən tapşırıqlar daha asandır nəinki qəbul imtahanlarında olanlar:
"Buraxılış imtahanı hüquqi aktdır. Biz onunla ümumi standartı yoxlayırıq. Bu imtahanla şagird standarta uyğun olub-olmadığını təsdiqləyir. 2 ildən sonra buraxılış imtahanının nəticəsi vacib komponent kimi qəbul imtahanının nəticələrinə daxil olacaq. Bu məsələlərdə hələ ki keçid dövründəyik".
Ayyət Əhməd
