Sabirabadda ana ölümü qeydə alınıb.
ARB TV xəbər verir ki, yaxınlarının bildirdiyinə görə doğuşa qədər müayinələrdən keçən Nuranənin səhhəti ilə bağlı heç bir şikayəti olmayıb.
Əfqan Yusifov – Nuranə Əzizovanın əmisi: "Uşaqla telefon əlaqəsi yaratdıq, hər şey yaxşı idi. Gecə saat 1-də İmişli rayon xəstəxanasının baş həkimi zəng edib bildirdi ki, təcili gedin. Gedib gördük ki, uşaq dünyasını dəyişib”.
Sabirabad rayonu Mərkəzi Xəstəxanasının ginekoloqu Rəna Rəsulova da Nuranənin normal doğuş həyata keçirdiyini təsdiqləyib.
Növbətçi həkimin sözlərinə görə gecə saat 12:20 radələrində ananın vəziyyəti pisləşib. Nuranəyə yardım edilsə də, həyatını xilas etmək mümkün olmayıb.
Güllü Quliyeva – Növbətçi həkim: "Gəldim gördüm ki, qız gömgöydür. Ağzından köpük daşır, əli ilə də çırpınır. Yuxarı qaldırdıq. Hər şeyi elədik, amma vəziyyətdən çıxara bilmədik”.
Həkimlərin dediyinə görə dünyaya gələn körpənin vəziyyəti normaldır. Körpə bu gün ailəsinə təhvil verilib. Dünyasını dəyişən ananın ölüm səbəbi isə tibbi ekspertizanın rəyindən sonra bəlli olacaq.
