"Aprel döyüşləri Qarabağ münaqişəsinin dondurulmuş münaqişə olmadığını bütün dünyaya bir daha sübut etdi”.
Bunu "Sherg.az”a açıqlamasında "Atlas” Araşdırmalar Mərkəzinin eksperti Kənan Paşayev deyib.
Analitik bildirib ki, şanlı qələbənin üzərindən 3 il keçməsinə baxmayaraq, Ermənistanın siyasi elitası, hərbçiləri və ictimaiyyəti hələ də xofdan xilas ola bilməyib:
"Nəinki Ermənistanda, bu qələbənin təsiri beynəlxalq aləmdə də öz təsirini göstərməkdədir. Təsadüfi deyil ki, Azərbaycan və Ermənistan dövlət başçılarının görüşü aprel döyüşləri ərəfəsində təşkil edildi. ATƏT-in Minsk Qrupunun həmsədr ölkələri və münaqişənin həlli ilə maraqlanan beynəlxalq təşkilatlar, eləcə də Ermənistan dövləti aprel hadisələrinin yenidən təkrarlanacağından ehtiyat edirdilər.
Cənab Prezident İlham Əliyev hərbçilərlə görüşü zamanı aprel döyüşlərinin təkrarlana biləcəyi ilə bağlı mesajlar verdi. Bu mesaj sətiraltı olaraq həm Ermənistan dövlətinə, həm də beynəlxalq aləmə xəbərdarlıq xarakteri daşıyır.
Yaxın günlərdə Ermənistan müdafiə nazirinin müharibə ilə bağlı açıqlamalarını nəzərə alsaq, Azərbaycan dövlət başçısının bu mesajı çox yerində oldu. Əgər aprel döyüşləri kimi ikinci bir toqquşma baş versə, Ermənistan dövləti bunun altından qalxa bilməyəcək”.
İsmayıl
