"Dövlət büdcəsindən ayrılan vəsait səmərəli xərclənməlidir. İndi bəzi həmkarlarım deyirlər ki, bu sahəyə pul artsın, o birisinə çoxalsın. Mən onlardan fərqli olaraq dövlət büdcəsindən heç bir sahəyə əlavə vəsaitin artırılması haqqında danışmayacam. Məsələ ayrılan vəsaitin daha səmərəli istifadəsindədir. Bələdiyyələrə 5.2 milyon manat dotasiya və 500 milyon manat subvensiya ayrılıb. Dotasiya elə bir şeydir ki, ayrılır neynirsən elə... Heç onun hesabatı da yoxdur. Amma subvensiya konkret layihələrlə əlaqədardır. Bu baxımdan subvensiyanın həcmi dotasiyanın hesabına artırılmalıdır”.
Sherg.az xəbər verir ki, bu sözləri Milli Məclisdə keçirilən büdcə müzakirələri zamanı, parlamentin Regional məsələlər komitəsinin sədri Arif Rəhimzadə söyləyib. Komitə sədri hesab edir ki, eyni zamanda dotasiyaya ayrılan vəsait bələdiyyələrin Dövlət Sosial Müdafiə Fonduna olan borclarının müəyyən qədər ödənilməsinə yönəldilsin:
"Əslində hazırda bir çox bələdiyyələrin DSMF-yə olan borclarına görə, onların hesabları bağlıdır. Dotasiyanın hesabına bu məsələ həll olunsa, hesab edirəm ki, həm DSMF-nin büdcəsi artar, həm də bələdiyyələrin fəaliyyətində dönüş yaranar. Bunu nəzərə almaq lazımdır”.
Anar
