Azərbaycan nefti cüzi ucuzlaşıb. Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,14 dollar və yaxud 0,22% azalıb. Azeri Light” markalı neftin bir barelinin qiyməti62,61 dollar təşkil edib. Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.
Qiymət dəyişikliyinə münasibət bildirən Neft Araşdırmalar Fondunun rəhbəri İlham Şaban "Sherg.az”a söyləyib ki, hələlik Azərbaycan neftinin qiyməti verilən proqnoza uyğun şəkildə davam edir:
"Hazırda qarşımızdakı dövr üçün "brent” markalı neftin qiymətinin hansı həddə olacağını proqnozlaşdırmaq mümkün deyil. Çünki bunun üçün fevral ayında OPEK-in açıqlayacağı hesabatı gözləmək lazımdır.
Həmin hesabat da fevral ayının 10-12 -i arası açıqlanacaq. Orada da cari ilin yanvar ayında dünya bazarında neft istehsalının və istehlakının göstəricilərinin nə dərəcədə olduğunu əks etdirəcək. Artıq bundan sonra 2019-cu illə bağlı ilkin nəticələr ortaya qoyulacaq.
Amma hazırda "brent” markalı neftin qiyməti 60 dollar civarında cərəyan edir. Qarşıdakı dövrdə Azərbaycan neftininin qiymətinə təsir edəcək hər hansısa bir mənfi amil yoxdur. "Qara qızıl”ın qiyməti stabildir”.
Kənan Eynuroğlu
