Rusiyadan gələn Azərbaycan vətəndaşının idarə etdiyi "Mercedes Benz C 180" markalı avtomobil "Samur" gömrük postunda saxlanılıb.
Dövlət Gömrük Komitəsindən "Sherg.az"a verilən məlumata görə, daha sonra nəqliyyat vasitəsi rentgen aparatında yoxlamadan keçib.
Yoxlama zamanı avtomobilin arxa oturacağının və yük yerindəki örtüklərinin arxasındakı boşluqlarda gömrük nəzarətindən gizlədilən müxtəlif adda 2830 ədəd həb, 590 ampul dərman preparatları, 90 ədəd isə dərman preparatları üçün boş qutu və plastik qablar aşkarlanıb.
Faktla bağlı araşdırma aparılır.
