Yanvarın 26-na keçən gecə Gəncədə ağır yol qəzası baş verib.
Publika.az xəbər verir ki, saat 1 radələrində Gəncə-Şəmkir yolunun ikinci kilometrliyində 1990-cı il təvəllüdlü Elnay Hacıyev idarə etdiyi "Opel" markalı avtomobil ilə Şəmkir istiqamətində hərəkətdə olarkən idarəetməni itirib və avtomobili yolun kənarındakı elektrik dirəyinə çırpılıb.
Sürücü aldığı xəsarətlər nəticəsində hadisə yerində ölüb. Avtomobildə olan sərnişin Ruslan İbrahimov isə müxtəlif bədən xəsarətləri alıb.
Qeyd edək ki, E.Hacıyev 3 il əvvəl ailə həyatı qurub və yeni ata olubmuş.
