"Azərbaycan dövlətçiliyinin əsasları formalaşdırılarkən sosial siyasət dövlətin əsas prioriteti kimi müəyyənləşdirilib”.
"Sherg.az” xəbər verir ki, bunu millət vəkili Cavanşir Feyziyev söyləyib.
O qeyd edib ki, müstəqilliyimizin əldə olunması, Azərbaycanın quruculuğunun başlanmasından indiyə qədər, ulu öndər Heydər Əliyevin qoyduğu istiqamət sosial siyasətin prioritet şəkildə həyata keçirilməsini zəruri edir:
"Baxın, böyük ərazisi və əhalisi olan Avropa İttifaqı (Aİ) ölkələri son illər Suriya və İraqdan Avropaya üz tutan qaçqınların sosial təminatını təchiz edə bilmirlər. 2-3 milyon qaçqın əhali Avropa İttifaqı ölkələrinə daxil olub və düşərgələrdə, acınacaqlı şəraitdə yaşayır. Bu mənada əvəllər 10 milyonluq əhalisi olan, iqtisadi qüdrəti Aİ-dən zəif olan Azərbaycanın 1 milyona yaxın qaçqın və məcburi köçkünün bütün problemlərini həll etməsi mümkünsüz görünürdü. Amma hazırda bu əhalinin üçdə biri fərdi evlərlə təmin edilib.
Müxtəlif bölgələrdə qəsəbələr salınıb, qaçqınların fərdi təsərrüfatlarla məşğul olması üçün imkanlar yaradılıb, onlara avtomobillər paylanıb. Ölkə başçısı çıxışlarında hər zaman qeyd edir ki, Azərbaycanda sosial siyasət dövlətin prioritet məsələsi olaraq qalır. Ölkəmizdə sosial siyasət davam etməklə yanaşı, bundan sonra daha da gücləndiriləcək”.
Aysel Aslan
