Millət vəkili Siyavuş Novruzov bələdiyyələrin sayının və tərkibinin azaldılmasını istəyir.
Sherg.az-ın xəbərinə görə, parlamentin bu gün keçirilən iclasında millət vəkili deyib ki, Bakının bir rayonundan 19 bələdiyyə üzvü seçilir, amma kiçik bir kənddə 5-7 nəfər üzv olur:
"Məncə bu bələdiyyələri birləşdirmək lazımdır. Bəziləri deyir ki, bu qurumların səlahiyyəti azdı. Əksinə, düşünürəm ki, bələdiyyələrə kifayət qədər status verilib, onlar bu səlahiyyətlərlə xeyli iş görə bilərlər. İndi də gec deyil. Bu qurumlar əldə edilən gəlirlərdən bələdiyyə bağçası, məktəbi, qəbiristanlığı və.s salmaq əvəzinə vəsaiti başqa istiqamətə xərcləyirlər.
Düşünürlər ki, ola bilər, növbəti mərhələdə seçilməzlər. Belə düşünüb, nə varsa, xərcləyirlər. Vaxtilə bələdiyyələr qeyri-neft sektoru üçün böyük işlər görə bilərdilər. Əsasən də buraya kənd bələdiyyələri daxildir. Əfsuslar olsun ki, əldə olunan vəsaitlərin hamısı mebelə, maşınlara və əmək haqlarına sərf ediblər”.
Anar
