Bu barədə "Sherg.az"a "Atlas" Araşdırmalar Mərkəzinin rəhbəri, politoloq Elxan Şahinoğlu bildirib. Onun sözlərinə görə, halbuki, son illər Türkiyə Cumhurbaşqanı Rəcəb Təyyub Ərdoğan nə İraqın keçmiş baş naziri Əl-Maliki, nə də indiki baş naziri İbadi ilə yola gedirdi, bir-birlərinin ünvanına ağır sözlər deyirdilər:
"Ankara onların əvəzinə Məsud Barzani ilə dostluq edirdi. İndi rollar dəyişdi və hətta Türkiyə ilə İraqın baş qərargah rəisləri Ankarada az qala köhnə dostlar kimi görüşdülər. İsrailin Kürdüstanın müstəqilliyini tanıması Ankara-Bağdad-Tehran üçlüyünü bir-birinə daha yaxın edəcək. Ancaq bir müddət sonra bu ittifaqın çat verəcəyi istisna deyil. Məsud Barzani üçlüyün biri ilə ortaq dil taparaq ittifaqın zəiflədilməsinə çalışacaq. Gedişat Bərzaninin Kərkuk problemini və türkmənlərlə ərəblərin məsələsini necə həll etməsindən asılıdır".
Ayyət ƏHMƏD
