"Kənd təsərrüfatı məhsullarının qiyməti liberaldır. Qiyməti tələb və təklif tənzimləyir".
" APA -Economics"in məlumatına görə, bunu jurnalistlərə açıqlamasında Azərbaycanın Kənd Təsərrüfatı nazirinin müavini İlham Quliyev deyib.
Onun sözlərinə görə, nazirlik nə istehlakçının, nə də istehsalçının ziyana düşməməsinin tərəfdarıdır: "Müəyyən məhsullar var ki, mövsüm və iqlimlə əlaqədar onların qiyməti müəyyən azalma və ya artım müşahidə olunur. Bu, təbii haldır və buna təbii baxmaq lazımdır. Heç bir ajiotaja da ehtiyac yoxdur".
