"Çinin Azərbaycandakı səfirliyi, Təhsil Nazirliyi və Kənd Təsərrüfatı Nazirliyi akt imzaladı”.
Bu barədə "Sherg.az”a professor Şahlar Əsgərov məlumat verib. O bildirib ki, aktın mahiyyəti Bakı şəhərindəki 23 nömrəli tam orta məktəbə İKT avadanlıqlarının təhvil verilməsidir:
"2016-cı ilin dekabr ayında bağlanmış müqaviləyə əsasən, Çin Xalq Respublikası hökumətinin texniki yardımı hesabına tədris prosesində istifadə olunması məqsədilə Təhsil və Kənd Təsərrüfatı nazirliklərinə 21 min ədəd noutbuk, mindən çox elektron lövhə, minlərlə proyektor, printer və digər İKT avadanlıqları təqdim edilib. Bütün bunlar təmənnasız təqdim edilib. Hesablamama görə, bütün bunların 20 milyon manata yaxın dəyəri var.
Qarşılıqlı yardım, ticarət və təhsil məsələləri ötən il ölkə başçısı İlham Əliyev Çində səfərdə olarkən razılaşdırılıb. Azərbaycan gənc respublika olduğu üçün Çin Xalq Respublikası belə bir təşəbbüs göstərib.Qeyd edək ki, sənədi təhsil naziri Mikayıl Cabbarov, kənd təsərrüfatı naziri Heydər Əsədov və Çin Xalq Respublikasının Azərbaycandakı səfiri Vey Cinxua imzalayıb”.
Ayyət ƏHMƏD
