"Bundan sonra ermənilərlə başa düşdükləri dildə danışmaq lazımdır”.
Bunu "Sherg.az”a Dağlıq Qarabağda Erməni əsgərinin ölməsi haqqında danışarkən millət vəkili Elman Məmmədov bildirib.
Onun sözlərinə görə, Ermənistana bu da azdır:
"Birincisi, erməni əsgərin Azərbaycan əsgəri tərəfindən vurulması məlum deyil. Çünki Ermənistan ordusunda intizamsızlıq baş alıb gedir. Orada gah əsgərlər bir-birilərini öldürür, gah da qeyri-sabit vəziyyətə, çətinliklərə dözə bilməyib intihar edirlər. Bəlkə də, erməni əsgəri atışma zamanı Silahlı Qüvvələrimizin igidlərindən birinin gülləsinə tuş gəlib. Düşünürəm ki, mənfur düşmənlərimizə bu da azdır. Erməni ailələrinə hər gün "qara xəbər” getməlidir. Artıq onlar başa düşməlidilər ki, öz torpaqlarında deyillər. Zorla işğal edilmiş Azərbaycan torpaqlarındadırlar.
Təbii ki, Azərbaycan əsgərləri bizim torpaqlarımızda yaşayan, bizə qarşı gələn Ermənilərə rahat yaşamağa icazə verməyəcək. Məncə, onlar bu kimi hadisələrdən bir nəticə çıxarmalıdırlar. Cənab prezidentimizin deyib:" Ermənilərin Azərbaycan torpaqlarında nə işi var ki, bu gün də ordan onların cəsədi çıxır.Torpaqlarımızdan çıxsınlar və bu günkü gündə də ölməsinlər”.
Bu məsələləri nəzərə alıb, sərsəm bəyanatlar verən, davakar, heç bir mövqeyi olmayan Ermənistan baş naziri Nikol Paşinyanla birlikdə hər bir erməni bundan nəticə çıxarmalıdır. Fikirləşirəm ki, bu istiqamətdə Azərbaycan ordusu daha da fəallaşmalıdır. Erməni ailələrinə gedən əsgər tabutlarının sayı günbəgün artmalıdır ki, onlar da bu hadisələrdən narahat olsunlar, təşviş və qorxu hissi yaşasınlar. İşğalçı ölkə danışıq yolu ilə insan kimi başa düşmür, bu qəsbkar ölkəyə ancaq güclə, zorla başa salmaq lazımdır”.
Qeyd edək ki, Azərbaycanın işğal altında olan Dağlıq Qarabağ bölgəsində Ermənistan Silahlı Qüvvələrinin əsgəri ölüb. Ermənistan KİV xəbər verir ki, 1999-cu ildə anadan olmuş Aqasi Mkrtçyanın meyiti hərbi hissələrdən birində aşkarlanıb.O, məlum olmayan səbəbdən ağır yaralanıb və nəticədə ölüb.Hadisənin səbəbi araşdırılır.
Kənan Eynuroğlu
