"VI Bakı Beynəlxalq Humanitar Forumda Azərbaycan Prezidenti İlham Əliyevin ətraflı çıxışları oldu və bütün qonaqlar ölkə başçımızın fikirlərini təsdiqlədi”.
Bunu "Sherg.az”a millət vəkili Tahir Kərimli bildirib.
Onun sözlərinə görə, artıq Azərbaycan altıncı dəfədir 80- dən artıq dövlətin və 24 beynəlxalq təşkilatın nümayəndələrinin iştirak etdiyi Beynəlxalq Humanitar Foruma ev sahibliyi edir:
"Dünyanın bir çox aparıcı mətbuat orqanı ölkəmizdə keçirilən forum haqqında dünyaya mesajlar verdi. Kiçik ərazidən, 10 milyon əhalidən ibarət olan bir dövlət beynəlxalq forumlar keçirir. Bu forumlar vasitəsi ilə dünyaya ciddi mesajlar verilir. İnsanların dini,etnik ayrılığa məruz qalmamasının zəruriyyətini ortaya qoyur. Bakı dünyaya mesaj verdi ki, insanlar hər yerdə ədalətli mövqe və hörmətə layiqdir. Hər kəs bir-biri ilə dost olmalıdır, bir-birini sevməlidir.
Prezident İlham Əliyev bəyan etdi ki, Azərbaycanda talerantlıq süni təbliğatlar nəticəsində qazanılmayıb. Hər kəslə mehriban yaşamaq Azərbaycan xalqının genetik kodunda var. Ölkəmizdə dinindən, irqindən aslı olmayaraq daima bütün xalqlar dostluq şəraitində yaşayır. Digər xalqlar torpaqlarımızda hər zaman rahat yaşayıb. Azərbaycan bu kimi beynəlxalq tədbirlərə ev sahibliyi edən nadir dövlətlərdəndir.
Bəzi ölkələr belə əhəmiyyətli forumlara heç pul ayırmaq istəmir. Ölkə başçısı çıxışında söylədi ki, , hazırda multikulturalizmə dünyada birmənalı münasibət yoxdur. Azərbaycan analoji tədbirləri həyata keçirməklə nəzərə çatdırdı ki, bütün xalqlar, dövlətlər bir-birilərinə yaxın olmalıdır, onlar humanist keyfiyyətləri üstün tutmalıdırlar. Tədbirdə cənab prezidentdən sonra cıxış edən xarici dövlətlərin rəsmiləri ölkə başçımızın fikirlərini təsdiq edib, daima ona istinadlar edirdilər. Bu kimi tədbirlər ölkəmizin nüfuzunu daim artıracaq”.
Qeyd edək ki, ötən gün paytaxt Bakıda baş tutan VI Bakı Beynəlxalq Humanitar Forumda Azərbaycan Prezidenti İlham Əliyev çıxış edərək bildirib ki, Əsrlər boyu müxtəlif dinlərin, xalqların nümayəndələri Azərbaycanda bir ailə kimi sülh, əmin-amanlıq, mehribanlıq şəraitində yaşayıblar.Müasir Azərbaycan dövləti çox dərin milli-mənəvi dəyərlər üzərində qurulub. Azərbaycan dünyada multikulturalizmin ünvanlarından birinə çevrilib.
Kənan Eynuroğlu
