"Dağlıq Qarabağın təbliği, Ermənistan-Azərbaycan Dağlıq Qarabağ münaqişəsi və Azərbaycan həqiqətlərinin dünyaya çatdırılması istiqamətində müvafiq qurumlar fəaliyyət göstərir”.
Bu sözləri "Sherg.az”a tarixçi-alim Nəsiman Yaqublunun "Qarabağı araşdırma və təbliğat institutu”nun yaradılması təklifinə münasibət bildirərkən tarixçi, millət vəkili Fəzail İbrahimli deyib.
O vurğulayıb ki, hazırda ölkəmizdə mövcud olan bu sahədə təyinatlı siyasi təşkilatların, QHT-lərin, xaricdəki Azərbaycan nümayəndələrinin ən böyük missiyası Qarabağ həqiqətlərinin dünyaya çatdırılmasıdır:
"Yeni təşkilatın yaradılmasından sonra planlı formada iş aparılacaq, müsbət nəticə əldə olunacaqsa, alqışlamaq lazımdır. Bu sahədə atılan bütün müsbət addımları dəstəkləyirəm. alqışlayıram. Dediyim kimi, əsas məsələ nəticədir.
Təşkilatın yaradılmasını bir təklif formasında səsləndirmək olar”.
Qeyd edək ki, Nəsiman Yaqublunun təklifinə görə, həmin institut Dağlıq Qarabağ probleminin araşdırılması, məlumatların xarici ölkələrə çatdırılması sahəsində sistemli iş aparmalıdır. Nəticələr müqayisə edilməlidir ki, alman insanına, fransızlara, ingilislərə və s. xalqlara Qarabağ həqiqətləri necə çatdırılıb. Əks halda, dağınıq vəziyyətdə görülən işlərin effekti olmayacaq.
Aysel Aslan
