Ebola epidemiyası son 3 həftə ərzində 100 nəfərin canını alıb.
"Sherg.az” "sciencesetavenir.fr”ə (elm və gələcək) istinadən xəbər verir ki, Konqo Demokratik Respublikasında sürətlə yayılan bu epidemiya ümumilikdə 2018-ci ilin avqustundan 700 nəfərin həyatına son qoyub.
Bu barədə Konqo Səhiyyə Nazirliyi məlumat yayıb. Nazirlik bəyan edib ki, epidemiya yarandığı gündən onunla bağlı nazirliyə 1117 müraciət daxil olub, onlardan 1050-i təsdiqini tapıb, 66-sı mümkün ebola kimi qiymətləndirilib.
Bütövlükdə 702 nəfər bu epidemiya səbəbindən dünyasını dəyişib. 339 nəfər isə sağalıb, qalanları isə vaksin olunur və ya ciddi müalicələr alırlar.
Nazirlik onu da bəyan edib ki, bu epidemiya Şimali Kivu əyaləti, Manqinada kəndi, Beni və Butembo-Katvada geniş yayılıb.
Tərcümə etdi: Ayyət Əhməd
