İstanbul yeni bələdiyyə sədri seçilən Əkrəm İmamoğlu Ankaraya gedir.
Lent.az-ın türk mediasına istinadən məlumatına görə, seçkilərdə keçmiş baş nazir Binəli Yıldırıma qalib gələn Ə.İmamoğlunun paytaxta getməsinin əsas səbəbi Atatürkün məzarını ziyarət etməkdir.
İstanbulun yeni "fatehi" daha sonra CHP sədri Kamal Kılıçdaroğlu, İYİ partiyasının rəhbəri Meral Akşənər və Ankara şəhərindən seçilən yeni bələdiyyə sədri Mansur Yavaşla görüşəcəyi bildirilib.
Qeyd edək ki, CHP son seçkilərdə hakim partiya AKP-ni 4 böyük şəhərdə məğlub edərək, bələdiyyə sədrliyini qazanıb.
