Milli Məclisin deputatı Siyavuş Novruzov Milli Məclisdə sosioloji sorğu mərkəzinin yaradılmasını təklif edib. Əvvəllər belə bir şöbənin fəaliyyət göstərdiyini vurğulayan millət vəkili deyib ki, prezident İlham Əliyev Milli Məclisin fəaliyyətini yüksək qiymətləndirir: "Amma biz fəaliyyətimizlə bağlı ictimaiyyətin münasibətini bilmirik. Heç olmasa, ayda 1 dəfə mərkəz tərəfindən sorğu keçirilməli, mütəxəssislər tərəfindən sorğular vasitəsilə ictimaiyyətin fikri öyrənilməlidir. Dünya təcrübəsində bütün konqreslərdə bu cür mərkəzlər fəaliyyət göstərir, təhlillər həyata keçirilir".
Sosioloq Elçin Bayramlı isə belə bir Mərkəzin yaradılmasına ehtiyac olmadığını deyib. Onun sözlərinə görə, deputatlar özləri elə sorğu mərkəzidir:
"Onların işi elə bundan ibarətdir. Vətəndaşların tələb etdikləri məsələləri, sosial problemləri araşdırmaq və onu parlamentdə qaldırıb müvafiq qanunun qəbuluna nail olmaq. Deputatların fəaliyyəti ilə bağlı seçicilərin rəyini bilmək üçün isə mətbuatı izləmək, parlamentə gələn məktiblarıə oxumaq kifayətdir. MM-in mətbuat katibliyi də var ki, onlar da bu sorğunu keçirə bilərlər. Hazırda dövlət strukturunda bir-birini təkrarlayan, oxşar və eyni sahələrdə işləyən xeyli sayda nazirlik, komitə, agentlik, idarə və sair orqanlar var. Fikrimcə, dövlət strukturunda azı 30 faizlik ixtisar olmalıdır. Dövlət aparatının kadr heyətini şişirtmək lazım deyil, əksinə azaltmaq lazımdır. Bu yolla büdcə xərcləri də azalar, həmin vəsaitlər sosial problemlərin həllinə yönələr”.Şəymən
