"Türkiyədə keçirilən bələdiyyə seçkilərinin nəticələri hakim Ədalət və İnkişaf Partiyasının (AKP) siyasi dayaqlarının zəiflədiyini göstərir”.
Bunu "Sherg.az”a açıqlamasında politoloq c deyib.
Ekspert bildirib ki, hakim AKP Millətçi Hərəkat Partiyası (MHP) ilə "Cümhur İttifaqı” blokunu qurmasaydı, digər böyük şəhərlərdə də məğlub olacaqdı:
"Hazırda Türkiyədə prezident institutu güclü oluğu üçün əsas siyasi hakimiyyət Rəcəb Tayyib Ərdoğanın əlindədir. Bələdiyyə sistemi isə əvvəlki illərlə müqayisədə xeyli zəifləyib. Bu baxımdan hesab edirəm ki, növbəti seçkilərdə MHP AKP-yə verdiyi dəstəyi dayandırsa, AKP iqtidardan gedə bilər.
Bu fonda CHP və İyi Partiyanın Ankarada və digər şəhərlərdə qələbə qazanması göstərir ki, bu ittifaq siyasi səhnədəki yerini gücləndirir. Türkiyədə xalq dəyişikliyə maraqlıdır. AKP-nin təkbaşına seçkilərdə məğlub olacağı görünür. Hesab edirəm ki, növbəti seçkilərdə MHP AKP-dən ayrılarsa, Türkiyə tarixində böyük dəyişikliklər ola bilər”.
Analitikin sözlərinə görə, Ərdoğan bundan sonra çalışacaq ki, xalqın siyasi dəstəyini qazanmaq üçün yeni islahatlara getsin:
"Amma bu islahatlar da səmərə verməyə bilər. İyi Partiya və CHP-nin yaratdığı blok növbəti seçkilər dönəmində həlledici səs ala bilər. Hesab edirəm ki, hər iki partiya bu seçkilərdən sonra ittifaqlarını daha da möhkəmləndirəcək. Digər yandan, Ərdoğanın keçmiş dostları – sabiq baş nazir Əhməd Davudoğlu, eks-prezident Abdullah Gül və Abdullatif Şener yeni partiya təsis edib aktiv siyasətə qoşularlarsa, CHP- İyi Partiya bloku ilə müttəfiqliyə gedə bilərlər. Bu da Türkiyədə yeni dəyişikliklər deməkdir”.
İsmayıl
