Türkiyədə Fətullah Gülənin qardaşı oğlu Salman Gülən 7,5 il müddətinə azadlıqdan məhrum edilib.
Oxu.Az Türkiyə mətbuatına istinadən xəbər verir ki, Salman Gülən "silahlı terrorçu qruplaşmaya üzv olmaqda” təqsirli bilinib.
Xatırladaq ki, Salman Gülən 2017-ci ilin dekabr ayında FETÖ qruplaşmasına qarşı keçirilən əməliyyat zamanı saxlanılıb. Həmin ilin fevral ayında Manisa əyalətində Gülənin digər qardaşı oğlu həbs olunmuşdu. 2016-cı ilin oktyabr ayında isə Gülənin qardaşı Kütbettin Gülən polis nəzarətinə götürülüb.
Türkiyə hakimiyyəti Gülənin FETÖ qruplaşmasını 2016-cı ilin iyul ayında hərbi çevrilişə cəhddə ittiham edir.
